Politika

Bart ETB-2n eskainitako lehendakarigaien debatea gaueko saiorik ikusiena izan da, %84ko ratinga izan zuen eta batez beste 173.000 ikus entzule.

Ondoren saiorik ikusienak, Telecincoko “Acusados”ek, %7,4ko ratinga izan zuen eta 162.000 ikus-entzule eta TVE-1eko “Comando Actualidad” saioak 101.000 ikus entzule. Audientzia metatuari dagokionez, 559.000 lagunek egin zuten bat orotara debatearekin.

EITBk eskainitako lehendakarigaien debateak, kanpainan egin den bakarra, ordu bete eta berrogei eta hiru minutu iraun zuen. %18,9ko audientzia zatia eskuratu zuen tarte osoan.

Duela lau urte lau hautagairekin egindako debateak, berriz, 657.000 ikus entzuleko audientzia izan zuen.