Politika

Alberto Nuñez Feijook krisi ekonomikoaren ondorio politikoak saihestea lortu du, eta gehiengo osoa indartu egin du Galizian.
Popularrek 2009an baino 3 eserleku gehiago lortu dituzte, eta garaipen garbia eskuratu dute: 41 diputatu izango dituzte Parlamentuan. Manuel Fragak 2001ean lortutako emaitza bera da.

Hala, popularrek botoen % 45,48 lortu dituzte, joan den hauteskundeetako % 46,68aren aldean.

Alternativa Galega de Esquerda, Esquerda Unidak eta Anovak (BNG utzi ondoren Xose Manuel Beirasek bultzatutako ezkerreko alderdia) osatuta koalizioa, indartsu sartu da Galiziako Parlamentuan, sozialistei eta bereziki BNG alderdiari tokia kenduz. Azken hori laugarren geratu da.

PSdeGk, bestalde, Galiziako hauteskundeetan inoiz izandako emaitza txarrenetan bigarrenak jaso ditu, botoen % 20,46 eskuratuta.