Politika

5.000 ertzain baino gehiago arduratuko dira hauteskunde eguneko segurtasunaz.

Datorren igandeko (martxoak 1) hauteskunde egunari begira, Ertzaintzako 5.000 agentek baino gehiagok parte hartuko duten zainketa berezi bat jarriko du martxan Herrizaingo Sailak.

Hedatze honekin bukatuko da kanpaina osoaren normaltasuna bermatzeko azken asteotan abian izan den operazio berezia.

Aipatutako 5.000 agenteetako askok hauteslekuen zainketa zuzena burutuko dute udaltzaingoetako agenteekin batera.

Agente talde berezi hau Ertzaintzako Zuzendaritzak koordinatuko du beti ere, Hauteskunde eta Dokumentazio Zuzendaritzarekin, hauteskundeetako administrazioko erakundeekin, Foru Aldundiarekin, udalekin eta udaltzaingoekin elkarlanean.

Hauteslekuen zainketa zuzenaz arduratuko diren ertzainek Mahaietako Presidenteek behar dituzten segurtasun-neurriak bermatu eta behar izatekotan ordena ezarriko dute gertatu daitezkeen liskarretan.

Gainera, hauteslekuetan edota inguruetan edonolako propaganda politikorik egiten ez dela bermatzea eta hauteslekuetan izango diren, pertsona ezindu edo gaixoei bozka ematea erraztea izango dira euren betebeharrak

Azkenik, hala eskatzen duten mahai kideei Bake-Epaitegira eraman beharreko dokumentazioaren garraioa erraztu beharko diete.