Politika

Unai Ziarreta Eusko Alkartasuneko presidenteak eta lehendakarigaiak "hauteskunde porrota" onartu ostean bere kargua "alderdiaren esku" utzi duela adierazi du eta Ezohiko Biltzarra iragarri du "zuzendaritza berria aukeratzeko". EAk bi eserleku lortu ditu Legebiltzarrean, eta lehen 7 zituen.

Ziarretak esan duenez, emaitza txarrak izan dira "ez dugulako jakin jendeari gure mezua behar bezala helarazi, hauteskundeetan bakarrik joatearen apustua ez da ulertu eta ez da ulertu subiranotasunaren ardatzaren beharra, guretzat euskal herriaren normalizaziorako oinarrizkoa den beharra hain zuzen ere".

EAko presidenteak azaldu duenez, "alderdiaren esku" uzti du bere kargua eta apirilerako Ezohiko Biltzarra deituko dutela esan du "herri honetan dauden arazoei aurre egingo dien zuzendaritza berria aukeratzeko".