Teknologia

Eurovisionen antzeko lehiaketa da Euro Blog Awards, baina azken honetan blog hoberenak aukeratu behar dituzte. Bilbon ospatuko da aurten Euro Blog Awards, nonick Interneten inguruko nazioarteko ekitaldiaren barruan.

Guztira, 12 adituk Europako blogik hoberena aukeratzeko helburuarekin botoak eman behar dituzte lehiaketa honetan. Europako 10 hizkuntza hedatuenen ordezkariak izango dira bertan, baita euskararen ordezkari bat, eta beste hizkuntzetarako ordezkari bat ere.

Orain ospatzen ari diren fasean, Interneteko erabailtzaileek botoak eman behar dituzte, www.euroblogawards.com web orrian, haien blogik gustokoenak aukeratzeko.

Hortik, finalera joango direnak aterako dira, eta hoiek Europako hainbat hiriburuetatik botoak bideo bidez jasoko dituzte (Eurovision jaialdian egiten duten moduan). Lehiaketa zuzenean jarraitzeko aukera emango du nonickek, edo web orriak berak, apirilak 24ean, 12:00etatik aurrera.

Bilbon ospatuko da datorren apirilaren 24 eta 25ean nonik 09 ekitaldia, eitb.com en eskutik. Bertan, Europako blog eta interneteko startup onenak aukeratuko ditu nazioarte mailako epaimahai batek. Gainera, sarerako ekoiztutako bideo aditu garrantzitsuenak izango dira bertan. Edizio honetan gai nagusia bideoa, Internet eta Telebista izango da. Parte hartzeko, www.nonickconference.com orrian izena eman behar da.