Teknologia

Dagoeneko, "Bizkaia.eu" izena daraman dohaineko posta elektronikoaren kontua eskatu dezakete bizkaitarrek; izan ere, Bizkaiko Foru Aldundiak BiscayTIK zerbitzuaren proiektua bultzatu du herritarrek "leihatila online" bat izan dezaten Internet bidez administrazio-izapideak egiteko.

Posta elektronikoa "pertsonei zuzenean mesede egiteko" helburuaz sortu da. Erakunde foralaren arabera, "administrazioarekin harremanetan jartzeko eta gai pertsonalak bideratzeko tresna bat eskaintzen zaie herritarrei".

Bizkaiko Foru Aldundiak 100.000 gutun bidali ditu aste honetan 14 urtetik gorako pertsona guztiei eta proiektuaren udalerri pilotuetan (Basauri, Abanto-Zierbena, Balmaseda, Basauri, Galdakao, Mundaka eta Arratiako mankomunitatearen parte diren udalerrietan) erroldatuta dauden guztiei. Uztailaren 7tik aurrera, gainontzeko bizkaitarrei bidaliko zaizkie gutunak; hau da, milioi bat ale inguru bidaliko dira.

Gutunak aktibazio kodigo bat darama eta www.bizkaia.eu web orrialdearekin lotura du. Horretan, interesa duenak, posta elektronikoaren kontu berria sortu ahalko du, nahi duen izenarekin eta "bizkaia.eu" domeinuarekin lotuta.

Posta elektronikoaren helbidea Bizkaiko tokiko administrazioaren eta herritarren arteko komunikazio digitalaren formula izango da. Horren bitartez, Diputazioaren arabera, herritarrak diru-laguntza berrien, lan eskaintzen, kontratu publikoen edota bere interesekoa izan daitekeen beste edozein gairen inguruko informazioa jazo ahalko du.

&' || 'nbsp;