Teknologia

Google bilatzailearen ingelesezko atariak eta Gmail bere posta elektronikoak aldizkako blokeoa jasaten du Gobernu txinatarrak, zeinek zentsura makineria indartsua duen, multinazionalak eduki "pornografikoak" legez kontra hedatzen dituela salatu ostean.

"Salaketa ugari jaso ditugu Google bilatzailearen ingelesezko bertsioak eduki zakar, pornografiko eta lizunak dituela esanez; horrek, Txinako legeak eta sektorearen autodiziplina urratzen du", erantzun du gaur Qin Gangek, kantzelaritzako bozeramaileak, Googlelen "matxura" Gobernu txinatarraren blokeo baten ondorioz gertatu ote den galdetu diotenean.

Prentsaurrekoan, Qin bozeramaileak, "duela egun batzuk konpainiaren arduradunekin elkartu ginen eta birdoitze bat egitea eta eduki negatiboak ezabatzea agindu genien", azaldu du.

"Interneteko Google enpresak Txinako legeak eta Txinako sail aginpidedunek erabakitako neurri eta isunak bete behar ditu", gaineratu du bozeramaileak. Ez du ezeztatu blokeoa bere Gobernuaren erabakia izatea.

Atzotik ezin da erabili ez Google ezta Gmail (posta elektronikoaren tresna) proxy zerbitzarien bidez Txinan; beraz, web orrialdeak modu zentralean blokeatu dira eta Shangai bezalako hirietan oraindik blokeatuta daude.