Teknologia

Europako mugikorren fabrikatzaile nagusiak gaur hartu dute datuak transmititzen dituzten mugikorren kargadorearen eredu bakarra merkaturatzeko konpromisoa Europako Batzordearen aurrean. 2010aren erdialdean merkaturatuko dute.

Kargadoreak bateratzeko Batzordeak egin zuen eskariaren aurrean, sektoreko hamar enpresak borondatez sinatu dute memoranduma Exekutibo komunitarioarekin, "negoziazio bizi eta konstruktiboak" izan ondoren.

Günter Verheugen, Industruiako komisario europarraren arabera, enpresek (Apple, LG, Motorola, NEC, Nokia, Qualcomm, Research in Motion, Samsung, Sony Ericsson eta Texas Instruments) telefono mugikorren merkatuaren %90a suposatzen dute.

Komisarioaren arabera, proposamenaren helburua "erabiltzaileei bizimodua erraztea" eta hondakin elektronikoen ingurumenaren gaineko eragina gutxitzea izango da; izan ere, "kontsumitzaileek ez dute kargadorea bota behar izango mugikor berriak erosten dituztenean".

Verheugenen arabera, kargadore unibertsala konektore mikro USB baten bitartez ibiliko da eta datuak transmititzeko gai diren telefono mugikor guztiek erabili ahal izango dute.

&' || 'nbsp;