Teknologia

Mugikorrean edo posta elektronikoaren bidez iragarkirik ez jasotzeko zerbitzu bat aurkeztu du gaur Datuak Babesteko Agentziak.

Komertzio Elektronikoko eta Zuzeneko Marketinaren Federakundeak garatutako zerbitzua da. ''Robinson Zerrenda'' izeneko ekimen honekin, webgunean izena eman, eta guk jarritako helbideetara ez digute iragarkirik bidaliko.

Iragarki jakin batzuk bidaltzea nahi izanez gero, berriz, zerrenda berezi batean sartu, eta baimendutako enpresek baino ez dizkigute bidaliko iragarkiok. Doako tresna da, posta eta SMS gogaikarriak alboratzeko.

Enpresek kontsultatu ahal izango duten tresna da. Horrela, beraien publiko berezia zein den jakin ahal izango dute, baina 150 eta 500 euro bitartean ordaindu beharko dituzte.