Teknologia

Ezin da zalantzan jarri Internetek komunikazio errezerako aukera amaigabeak eman dituela. Gaur egun, ia edozer eskura daiteke Internetez; zinemara joan baino lehenago sarrerak Internetez eros daitezke, arropa eskura daiteke, janaria, produktu elktronikoak, etab. Baino erosteko aukera ematen duen bezala, lapurretarako tresna ere bilakatzen ari da Sarea.

Egunero agertzen dira Interneten egindako iruzurrei buruzko albisteak. Horrek ezbaian jarri du webguneek erabiltzaileari ematen dioten segurtasuna.

Gaur, Espainiako Poliziak bost lagun atxilotu ditu Ebayen saltzaileen eta erosleen nortasunak ordezkatuz 23.500 euro lapurtu dituztelakoan.

Iruzurra egiteko sistema oso erraza zen: atxilotuek puntako produktu elektronikoak merke-merke eskaintzen zituzten bezeroak erakartzeko; gero, aurretik jasotzen zuten dirua iruzurrerako egokitutako kontu korronte batean, eta azkenean, ez zituzten ustez saldutako produktuak ematen.

Edonork egiteko moduko lapurreta bat dirudi, webgunea ez da lapurreta horien arduradun eta ez du ezer egiten salerosketak bidezkoak ote diren jakiteko.

Iruzurrak ugariak diren beste alor bat banketxeek Interneten duten atarietan egiten dena da. ''Phising'' motako iruzurra puri-purian dago. Horren bitartez, iruzurgilea erabiltzaile baten konfiantzazko enpresa edo erakunde baten izenean jartzen da harremanetan eta konfiantza horri esker lapurtua izango den pertsonaren datu pertsonalak eskuratzen ditu. Datu horiekin, iruzurgileek kontu korronteak ireki ditzakete eta dirua lapurtu.

Kasu horietan ere zalantzan jartzen da segurtasun handia eskatzen duen zerbitzu bat eskaintzeko ematen duten bermea. Banketxe batean segurtasun-agenteak daude, kristalak blindatuta, etab. Webgunean horrenbeste baliabide erabiltzen al dituzte?