Teknologia

Microsoft enpresak Gaztelugatxeko Doniene aukeratu du Bing bilatzailearen irudi nagusia izateko, mundu mailan. Bermeoko biotopo ospetsuaren argazki izugarria agertuko zaie, beraz, Bing-en bidez bilaketak egiten dituzten milioika erabiltzaileei. Iñaki Lizarraga bizkaitarrak ateratako irudia da. Profesioz argiketaria da, baina argazkiak ateratzea da bere benetako pasioa.

Pantaila osoko argazkia jartzea erabaki dute. Lizarragak adierazi duenez, Gaztelugatxeko Donieneko X. mendeko ermitatik hartu dute argazkia, bertara igotzeko azken eskaileretatik hain zuzen ere.

Argazkia objektibo angeluhandi batekin atera zuen, ikus-eremu zabalagoa hartzeko eta eskailera guztiak ikusteko.

Radio Euskadin eskainitako elkarrizketa batean, Lizarragak "ohore handia da Microsoftek nire argazki bat erabiltzea".

Euskal Autonomia Erkidegoko toki turistikoenetarikoa da. Urtero, milaka lagun hurbiltzen dira Bermeora, 300 eskailerak igo eta ermita ezagutzeko.