Teknologia

New Jerseyko Rutgers Unibertsitateko zientzialari talde batek aparkalekua aurkitzeko gai den autoentzako sentsorea diseinatu du. Horretarako, sentsore ultrasonikoak, GPS hargailuak eta sakelako telefonoa batzen ditu eta auto-ilarak arintzea du xede.

''Low cost'' informazioa eskainiko die sistema horrek gidariei eta, web-mapen edo nabigazio sistemen bidez, aparkalekua aurkituko du.

Ikertzaile taldeak hainbat taxilarien autoen ateetan frogatu zuen asmakizuna. Bi hilabetetan bildutako informazioarekin, ultrasoinuen arteko distantzia aparkaleku bihurtzen zuen algoritmoa prestatu zuten adituek, eta % 95ean emaitza fidagarria zen.

Horrez gain, emaitza horiek GPSarekin konbinatu eta hutsik zeuden tokien mapak lortu zituzten. Kasuen % 90ean aparkalekua aurkitu zuten.