Teknologia

Twitterrek adierazpen askatasunaren ideia "desberdina" duten herrialde batzuetan erabiltzaileen komentarioak zentsuratzen hasiko da. Neurri horrek, kasu batzuetan, Twitter betirako ixtea eragin lezake. "Gaurtik aurrera, herrialde batzuetan erabiltzaileen komentario batzuk ez argitaratzeko gaitasuna izango dugu, besteetan argitaratuko ditugun arren", argitu du Twitterrek bere blogean.

Dirudienez, "Twitter nazioartean hazten doan heinean, adierazpen askatasunari buruz ideia desberdinak dituzten herrialdeetara" iristen da, eta tokian tokiko legedira egokitu beharra du.

Zentsuratuko dituen adibideen artean jarri du Twitterrek Alemanian eta Frantzian eduki naziak argitaratu ezingo direla; izan ere, herrialde horietan pentsaera horiek goratzea debekatua dago.

Hala ere, sare sozialak tokian tokiko legedira egokitu behar izateak Twitterren ixtea eragin dezakeela onartu du.

Erabaki horrek, iazko Udaberri Arabiarrean enpresak hartutako politikan norabide aldaketa eragingo luke.