Teknologia

Martxoaren 1eko hauteskundeetan parte hartuko duten hautagaiak eta alderdiak teknologia berriaz sekula baino gehiago baliatzen ari dira. Erreminta hauen eraginkortasuna Barack Obamak erakutsi zuen 2008ko hauteskundeetan.

Alderdien multimedia saileko arduradunen hitzetan, ‘’apustu handia egin dugu interneten alde hedabide gisa, ahalik eta pertsona gehienengana heldu ahal izateko’’.

Web orrialdeak, ‘blog’ak, Youtube eta Facebook, Flickr, Tuenti edo Last FM bezalako giza sareak ohiko baliabideak bilakatu dira gaurko politikoentzat.

EBk adibidez, ‘hauteskunde programa irekia’ antolatu zuen alderdiaren webgunean erabiltzaileek euren proposamenak gehitu zezaten eta ‘’horietariko asko kontuan izan ditugu’’, esan du Roberto Míguez, alderdiaren Internet arduradunak.

Antonio Basagoti, PPko hautagaiak, eguneroko kontakizunak azaltzen ditu alderdiko webgunean, sakelako telefonoarekin ateratako argazkiak publikatuz eta hauteskundeen ikuspegi subjektiboa azalduz.

PSEk martxan jarri zuen joan de larunbatean zuzeneko emankizunak ‘on-line’ emateko aplikazioa bere webgunean eta Patxi Lopezen ‘blog’ean. Modu honetan, kanpainan izango diren ekitaldi garrantzitsuenen berri emango dute sakelako telefonoetara argazkiak, bideoak, leloak eta mezuak bidaliz ‘bluetooth’ teknologiari esker.

Luis Mari Prego, PNVko multimedia arduradunaren arabera, ‘’alderdi hau herritarrekin telefono mugikorraren bidez harremanetan jartzeko modua bilatzen ari da bere inguruan izango diren mitinen berri izateko, programaren proposamen garrantzitsuenak jasotzeko, etab’’.

Obamak herritarrekin harremanetan jartzeko baliabide hauek dituzten abantailak erakutsi zituen eta alderdi gehienek eredu hau jarraitu izan dutela onartu dute.

&' || 'nbsp;