Ibarran jaio nintzen 1977ko maiatzaren 6an, baina berehala nafartzea erabaki nuen, non eta Euskal Herriko tokirik politenean, Arriben. Bertan hazi (baita hazi ere!) eta hezi nintzen, eta bertan hasi nintzen lanean. ETBko albistegietarako aritu nintzen berriemaile bi urtez Iruñeko korrespontsalian. Marcela txikia (Ana Urrutiaren alaba) jaio zela eta, isobaren korapiloan trabatuta geratu nintzen gero. Baina eguzkia eta bion artekoa gorabeherez betetako bidaia izan da: bi urtez "Bertatik Bertara"n aritu nintzen erreportari, "EITB Kultura"n gidoilari gero, eta azken bi denboraldi hauetan, berriz, handik hona nabil, "Bi errepidean " saioarekin. Kamera eta mikroek uzten didaten tartetxoan, berriz, gure bailarako aldizkarian aritzen naiz, "Mailope"n. Bidean geratu dira Aralar Irratian eta Euskalerria Irratian bizitako une gozoak. Orain ETB-1eko "Eguraldia"ren tartean ikusten ez banauzue, lasai, ETB-3n nabil eta eguraldi gizon!  .