Marea behera dagoenean Plentziako hondartzarekin guztiz lotzen da Gorlizkoa, baina marea gora joatean, bi hondartza dira.

Gorlizko hondartzara iristeko arazorik ez dago, inguruko herriekin oso ondo komunikatuta baitago errepidez: Loiuko aireportura 20 minutu daude, Getxorekin BI-634 errepideak lotzen du, Bakiorekin BI-3151ak  eta Mungiarekin BI-2120 errepideak. Hondartzaren ondoan Gorlizko ospitalea dago.

Bestalde, metroa eta herria komunikatzen duen autobus-zerbitzua dago 20 minuturo eta era berean ere, Lemoiz eta Getxo herriak lotzen dituen autobus zerbitzu bat ere  badago, kasu honetan orduro ateratzen dena.

Gorlizko hondartzak 842 metroko luzera eta 45 metroko zabalera du marea behean dagoenean. Uretan bi plataforma daude eta bertan hainbat joko egin daitezke: txirristak, tranpolina...

Bainatzeko eta eguzkia hartzeko leku aproposa izateaz gain, palan, surfean, boogian, hondartza-volleyan, kometetan, piraguan, eta bestelako uretako jokoetan ibiltzeko aukera ematen du hondartzak. Kontzertuak ere egiten dira.

Kontsulta itzazu eitb.com-en Gorliztik gertu dauden webkamerak eta eguraldia.

Gorlizko hondartzaren argazkiak Eguraldiblogen:

• 

  Argazkia: M.Isabel Arruti

• 

  Argazkia: Justino Arto