eguraldia

Patxi Lazcoz Gasteizeko alkateak esan du, txingorrak kaltetu eta errenta txikia izan zein ekonomikoki estu dabiltzan hiritarrek estatuko laguntzak izango dituztela. Aseguruen Konpentsaziorako Partzuergoaren menpekoak dira eta&' || 'nbsp; Udalak bideratuko ditu.

Lazcozek azaldutakoaren arabera, Gasteizek asteazkenean pairatutako txingorraren ondorioz "katastrofe-gune" izendapena lortu edo ez, Estatutik bi laguntza lerro datoz hirira. Alde batetik, uholdeen ondorioz sortutako kalteen gainekoa eta bestetik, zenbait baldintza ekonomiko bete eta autoan edota etxean kalteak izan dituztenena. Alkatearen esanetan, “egoera benetan kaxkarra” duten hiritarrek jasoko dituzte laguntzok; diru sarrera oso txikikoek, langabetuek, edo pentsio baxuko erretiratuek.

Gasteizeko Arreta-bulegoan ostegunetik gaur arte 2.300 lagun izan dira asteazkenean izandako txingorrak eragindako kalteen berri emateko.

Lazcozek gogoratu du "zaila" izango dela “Katastrofe-gune” izendapena lortzea baina eskaerak indarra hartzeko garrantzitsua dela hiritarrek gertatutakoaren berri ematea horretarako prestatutako udal bulegoetan. Hortaz gain, aditzera eman du izendapena lortzeko bidean Patxi Lopez lehendakariak “bultzada” bat emateko konpromezua hartu duela era berean kaltetuekiko elkartasuna adieraziz.

Kaltetutako udal eraikinak 67 izan direla baieztatu du alkateak eta horietatik 35ek berehalako konponketa behar dutela.

10 bat minutuko iraupena izan zuen asteazkeneko ekaitzak eta 17:00 aldera hasi zen. Txingorrak gehien kaltetu zituen auzoak Lakua, Zabalgana, Ariznavarra eta Armentia izan ziren, baina beste zona batzuetan kalte ugari utzi zituen, erdialdean adibidez, bereziki ibilgailuetan. Txingor zatiak oso handiak izan ziren une batzuetan, irudi hauetan ikusten denez. Hiriko zenbait tokitan baltsak osatu ziren.
Erabiltzaileek, lehen unetik, ekaitzeko argazkirik onenak bidali dituzte eitb.com-era.

10 bat minutuko iraupena izan zuen ekaitzak eta 17:00 aldera hasi zen. Txingorrak gehien kaltetu zituen auzoak Lakua, Zabalgana, Ariznavarra eta Armentia izan ziren, baina beste zona batzuetan kalte ugari utzi zituen, erdialdean adibidez, bereziki ibilgailuetan. Txingor zatiak oso handiak izan ziren une batzuetan, irudi hauetan ikusten denez. Hiriko zenbait tokitan baltsak osatu ziren.

Erabiltzaileek, lehen unetik, ekaitzeko argazkirik onenak bidali dituzte eitb.com-era.