eguraldia

Asteburuko eguraldiak euria utziko du larunbatean, eta igandean, aldiz, giro lehorragoa izango dugu, Euskalmet Euskal Meteorologia Agentziak eskainitako joeraren arabera. Elur-kota gero eta gorago kokatuko da; larunbatean, 500-600 metrora kokatuko da, eta hurrengo egunean gorantz jarraituko du. Tenperaturak ere gora egingo du, eta igandeko maximoak 10-11º-ren bueltan egongo dira kostaldean; barnealderako, 7 ºC-ko maximoak iragarri dituzte.

Ostirala prezipitazio txikiekin amaituko da, eta larunbata, horren ostean, euritsua izango da, batez ere egunaren lehen partean eta Kantaurialdean. Izotza egin lezake Arabako zenbait puntutan, baina tenperatura igoko dela iragarri dute: maximoak 8-9 graduren bueltan kokatuko dira itsasaldean, eta 5º-ren bueltan barnealdean.

Igandean, prezipitazioak bakanagoak izango dira, eta tenperaturak 2 gradu gehiago igoko dira. Giro hodeitsua izango dugu, astelehenean baino hodeitsuago; azken egun horretarako, badirudi termometroak nabarmenago egingo duela gora.

Eguraldiblogen dauden argazkiak ikusi ahal dituzu, eta eguraldia unean-unean kontsultatu ahal duzu gure webkamak erabiliz.