eguraldia

Euskalmet Euskal Meteorologia Agentziak esan du datorren larunbatean, hilaren 20an, amaituko den 2009-2010 negua "lehorra, hotza eta haizetsua" izan dela. Hala ere, ipar-ekialdeko haizeak eta Iberiar Penintsulan izan diren depresioek "elurteak, euria eta lainoak" ugaritzea ekarri du, baita "haize gogorrak" sumatzea ere.

Batez besteko tenperatura 9ºC-koa izan da kostan eta 4ºC ingurukoa Araba barrualdean, normalean baino 0,5ºC baxuagoa.

Neguko fenomeno meteorologiko deigarriena, dudarik gabe, Xynthia ekaitzarena izan da. Otsailaren 27an, 150 km/h-tik gorako haizeteak ekarri zituen mendialdera, eta Orduñan 228 km/h-ra iritsi zen haizearen abiadura.

Kontsulta ezazu eguraldiaren aurreikuspena eitb.com-en.