Eguraldia

Galerna arriskuagatik gaurko ezarritako abisu horia bertan behera utzi du Eusko Jaurlaritzako Herrizaingo Sailak. Euskalmeteko estazioek 112 km/h-rainoko haize-ufadak neurtu ditu dagoeneko Punta Galean, Bizkaian, 06:00ak aldera. Halaber, termometroak 29º markatu ditu dagoeneko. Izan ere, orokorrean, EAEn, temperatura altuak izan dira asteazkeneko lehen orduetatik. Horrela, 05:00etan, 29º izan ditugu Bilbon, 27º Zarautzen eta 23º Gasteizen.

Iragarpena

Asteazkenean, zerua hodeitsu egongo da. Han-hemenka zaparrada txikiak botatzeko probabilitatea handia da, zenbait lekutan ertainak eta trumoitsuak, egunaren lehenengo partean aukera handiagoz. Hego/hego-mendebaldeko haize bizia ibiliko da, bolada gogorrekin eta oso gogor batzuekin kostaldean eta mendi inguruetan.

Ostegun goizean zerua tarteka hodeitsu egongo da eta arratsaldean hodei gutxirekin geratuko da. Eki/ipar-ekialdeko haize ahula ibiliko da. Tenperatura minimoetan aldaketarik ez edo gutxi jaitsiko dira; maximoak, ordea, gutxi edo nahikoa igoko dira.

Ostiralean goiz-lanbroa izango dugu, baina ondoren, zerua hodei gutxirekin egongo da. Gainera, tenperaturak nabarmen igoko dira.