GEKen alorrean gauzatu diren proiektu guztiak jasotzen dituen 2009-2010 biurteko bigarren memoria idatzi du EITBk. Ekintza horiek EITBk hartutako gizarte-konpromisoari erantzuten diote, eta, zeregin hori, hain zuzen ere, komunikabide gisa duen xedetik harago doa. Izan ere, zerbitzu publiko gisa duen zeregina aberastea da helburua.

EITBk kudeaketa-ereduan sartutako konpromiso gisa ulertzen du Gizarte Erantzukizuna. Gobernu arduratsuaren ondoriozkoa da eta errealitate irmoa osatzen du, atzean pertsonak, baliabideak, adierazleak eta interes-taldeen arreta dituela. EITBn GEK aplikatzeak zera esan nahi du, komunikazio-enpresa honek gizartearekin hitz egiten duela, iraunkortasunaren eta ongizatearen alorrean lankidetzan aritzeko.

Halaber, kanpoko ebaluazio-agenteen esku jarri da GEKen kudeaketa-eredua, eta, horrenbestez, AENOR enpresak memoriako informazio guztia eta gauzatutako proiektuak egiaztatu ditu. Egiaztapen-prozesu horren emaitza ona izan da, eta GRI A+ mailaren arabera, gehieneko exijentzia-maila lortu du.

Bigarren edizio honetan, ildo kontinuista ezarri da. Hori horrela, proiektu guztiak sailkatzerakoan, stakekolder-ek 2009ko maiatzaren World Café-an hitzartu zituzten sei dimentsioak hartu dira oinarritzat:

I. Gizartea. Euskal gizartearekin lotura eta konplizitate handieneko ekintzak lantzeko. Gizarte Eskubideak, Biktimei laguntzea eta Bakea proiektu garrantzitsuena aukeratu zuten, eta kontzientziazioak haurtzarotik hasi behar duela azpimarratu zuten.

II. Euskara. Euskara berezitua sortu, sustatu eta zabaltzen laguntzeko, bereziki, hizkuntzaren erregistro guztiak menderatzen dituzten komunikatzaileen bitartez.

III. Euskadi munduan. Munduan, Euskadiren irudia hobetzen laguntzeko, bereziki, euskal musika, sortzaileak, elebitasuna eta gastronomia hedatuz, Internet bidez. Euskadi marka indartzea.

IV. Pertsonak. EITBk garapen profesionala eta langileen lana eta familia bateragarri egitea sustatzen ditu, eta horrekin bat egin zuten.

V. Ingurumena. EITB hedatzeko eragile garrantzitsua izan dadin, eta ingurumen-arloan jokabide "eredugarria" izan dezan.

VI. Enpresa-kudeaketa. EITBk baliabide eta metodo interaktiboak eskuragarri izateko. Horrela, herritarren partaidetza sustatuko da, eta haien iritzia hobeto ezagutuko.

Horietako bakoitzean hainbat gizarte-proiektu garatu dira, konfiantza eman, herritarrekiko lotura emozionalak sortu eta gizarteko enpresa arduratsu gisa aitortzeko.