2010-2013ko Plan berriak zortzi helburu nagusi biltzen ditu bi tipologiatan banatuta. Lehenengo, lau funtsezko helburu: Informazio Lidergoa, Posizio Lehiakorra, Markaren Nagusitasuna eta Euskarazko Kanalen Birdiseinua. Bestalde, honako hauek dira euskarri moduko helburu edo estrategiak: Pertsonen Inplikazioa, Berrikuntza eta Bikaintasuna, Talde Sinergiak eta Teknologia eta Banaketa.

Helburu hauek lortu ahal izateko lan prozesu bat jarriko da martxan; honen bidez, proiektu batzuk zehaztuko dira urtero. EiTBren lider batek eta talde batek osatuko dituzte proiektu hauek, EiTBren helburuak lortzeko ekintzak jarriko dituztela martxan Plan honetan zehaztutako irizpide eta lehentasunen arabera.

Estrategia Plana guztien eskura dago albistera erantsitako dokumentuan.