eitb taldea

Aurretik adierazi den moduan, Euskal Telebistaren Lan Eskaintza Publiko hau aldi baterako kontrataziorako Lan Poltsa zabaltzeko erabiliko du Euskal Telebistak. Beraz, LEP prozesuko probak gainditu ez dituzten baina 5/10 puntuazioa gainditu duten hautagaiek LEP prozesuko proba kanporatzaile eta derrigorrezkoak egiten jarraitzeko aukera izango dute, Lan Poltsan sartu ahal izateko. Hautagai hauek ez dute aukerarik izango Lan Eskaintza Publikoaren plaza finkorik lortzeko.

Enpresak zehaztutako arauen arabera garatuko den prozesua amaitzean, puntuazio bat lortuko dute hautagaiek Lan Poltsan. LEP prozesuko proba guztiak gaindituta plazarik lortzen ez dutenek lehentasuna izango dute Lan Poltsan, arau erregulatzaileetan jartzen duenaren arabera.

Jarraian, Lan Poltsa prozesuan parte hartzeko zerrendak publikatzen dira. Argitaratzeke geratzen dira Laguntzaile Tekniko, Argi Teknikari eta Mantenu Teknikari lanpostuetarako zerrendak; bere garaian argitaratuko dira.