musika

Hasiak dira jada Michael Jacksonen autopsiari buruzko datuak filtratzen. The Sun egunkari sentsazionalistak kalertautako informazioaren arabera, Poparen Erregeak 51 kiloko pisua zuen, pilulak zeuzkan urdailean eta, gainera, hainbat saihets apurtuta omen zituen. Saihets apurtuak eta bihotzaren inguruan zeuzkan xeringa-aztarnak medikuak artista suspertzeko ahaleginean sortutakoak dira ziurrenik. Oso makal omen zegoen artista. Ia ez omen zeukan ilerik eta ile-ordea omen zeukan. Ubeldurak zeuzkan belaunetan eta hanketan, baita bizkarrean ere, ziurrenik, berriki izandako erorketa baten ondorioz sortutakoak. Gainera, musikariak orbain kirurgiko ugari omen zituen, zirugia estetikoko 13 ebakuntza eginak baitzituen gutxienez.
&' || 'nbsp;&' || 'nbsp;&' || 'nbsp; &' || 'nbsp;
Michael Jacksonen heriotzaren gaineko ikerketa egiten jarraitzen du, bestalde, Los Angelesko poliziak. Botika gaindosiaren teoriari eusten dio ikerketaren ildo nagusiak baina Conrad Murray, artistaren medikua, jada ez da susmagarria, lekukoa baizik. Poparen Erregearen medikuak berak prentsaurrekoa eman du eta esan du ez ziola inolako lasaigarrik eman artistari. Murrayk adierazi du konorterik gabe aurkitu zuela Jackson iragan ostegunean, haren gelan sartu zenean. Hura suspertzen saiatu omen zen, baina ez omen zuen beste ezer egin. "Ez zen Demerolik izan, ezta OxyContinik ere", adierazi du Murrayk. Medikua aske gelditu zen hiru orduko galdeketaren ostean.

Autopsiaren proba toxikologikoen emaitza jaso arte itxaron beharko da Jacksonek hil aurretik kontsumitu zituen substantziak zein izan ziren ezagutzeko. Hipotesi nagusiak dio gaindosiak sortu ziola bihotz-gelditzea musikariari. Autopsia ofizialaren datuak hemendik sei astera arte ez dira iritsiko ziurrenik, baina egun batzuen buruan argitaratuko dira familiak kontratatutako auzitegi-medikuak egindako azterketaren datuak.

Herentziaren gorabeherak

Michael Jacksonen herentziari buruzko zurrumurru ugari zabaldu da halaber. Mundu osoari bere musika utzi dio oinordetzan baina, gainera, zorrez betetako herentzia izugarria ere utzi du. Auzitegietako gerra gogorra izango da, ziurrenik, senideen eta Poparen Erregearen diru-xahutze neurrigabea babestu izan dutenen artean.

Kantariaren ustekabeko heriotzak haren diskoen salmentak gorakada izugarria izatea ekarri du eta hori albiste hona da artistaren oinordekoentzat, dirutza handia ekarriko baitie. Bilioidun gisa bizi izan izan zen artista milioidun izanda eta jende ugariri zor zion dirua. Orain, haren oinordekoek hartzekodunekin partekatu beharko dute ondasun hori. Beraz, salmenta berri orok ekarriko duen dirua gustura hartuko dute guztiek.

Artistak zeukan aktibo nagusia, bere kantuen eskubideak izateaz gain, 1985an erositako ATV Music Publishing enpresa zen. Enpresa horrenak ziren The Beatles taldearen kantu ezagun ugariren eskubideak eta, beraz, guztiak Michael jacksonen eskuetan gelditu ziren. Enpresa horren erdia Sonyk erosi zuen gero eta, gaur egun, 2.000 milioi dolarretik gorako balioa omen du. Beraz, zenbait kalkuluren arabera, 1.000 milioi dolar inguruko balioa dauka artistaren ondareak, baina 400 eta 500 milioi dolar arteko zorrak ere utzi omen dizkie oinordekoei.

Prince eta Paris artistaren egiazko seme-alabak al dira?

Zurrumurruen eta zalantzazko aitorpenen garaia ere hasi da jada. Debbie Rowek, Jacksonen bigarren emazte eta seme nagusiaren eta alabaren amak (Prince eta Paris) News Of The World egunkari sentsazionalistari adierazi dio Michael ez dela haur horien benetako aita. Intseminazio artifizial bidez ernaldu zela esan du, baima semena ez zela musikariarena izan. Bestalde, artsitarentzat 17 urtez lan egin zuen Grace Rwaramba zaintzaileak esan du Jacksonek farmakoekiko mendekotasuna zuela eta hainbatetan egin behar izan zizkiotela urdail-garbiketak. Gainera, Islamaren Nazioa izeneko sekta islamiko heterodiocoarekin lotu du kantari ezaguna.&' || 'nbsp;

Hileta, Neverlanden

Jackson familia hileta prestatzen hasia da eta, itxura denez, datorren asteazkenean egingo dute, ziurrenik, bere Neverland maitean. Bertan hartuko du atseden betiko musikari handiak, ilusioz beterik eraikiarazitako bere unibertsoa hartan.

Heriotzaren arrazoiak argitzeko ikerketak eta herentzia kontuak gorabehera, dolua izan da nagusi asteburu honetan mundu osoan. Ehunka omenaldi izan dira, tartean, AEBetan banatu diren BET sarietan (Black Entertainment television). Eiffel dorrean, Vive Latino jaialdian (Mexiko) eta Glantsboury jaialdian (Erresuma Batua), esaterako, modu hunkigarrian gogoratu dute Poparen Erregea.