musika

Gauzak argitzen doaz pixkanaka edo gehiago korapilatzen, auskalo. Michael Jacksonen heriotzari buruz argitaratutako azken txostenen arabera, laguntzaile bati egotzi diote artistaren bat-bateko heriotzaren ardura, hark eman ziolako, ustez, Demerol anestesikoa, medikua lo zegoenean.&' || 'nbsp;

Artista handiaren heriotzari buruzko hipotesi ugari ibili dira bueltaka azken asteetan baina badirudi aipatu berri dugun horrek duela indar handiena. The Sun egunkari ingelesak emandako azken datuen arabera, musikariaren laguntzaile izan zen emakume bat da haren heriotzaren arduraduna.&' || 'nbsp;

Egunkari horren arabera, artista hil zen gau horretan, Conrad Murray medikuak, egunero bezala, Propofol anestesikoa eman zion loak hartu zezan. Baina MIchael behar baino goizago iratzarri zen eta mina arintzeko botika gehiago eskatu zituen Propofolen eragina amaitu zitzaionean. Une horretan, Murray lotan zen eta artistak bere laguntzaileetako bati laguntza eskatu zion. Ustez, hark Demerol dosi bat eman zion eta horrek sortu zion bihotz-gelditzea artistari.&' || 'nbsp;

"Murrayk sistema bat zeukan Michaeli zain bidez Diprivan (Propofol eta demerol botiken nahasketa) modu erregularrean emateko gauez. Baina, orduan, behar baino goizago esnatu zen eta Demerol eskatu zion lagunrzaileari", adierazi du The Sun egunkariaren hurbileko iturri batek.&' || 'nbsp; "Laguntzaileak eman egin zion baina ez zen denbora gehiegi igaro aurreko dositik. Eta horrek hil zuen", esan du lehen aipatutako iturriak. Alabaina, DEAk (AEBetako drogen kontrako agentzia) ez du baztertu oraindik Murray medikuak erantzukizunik daukanik heriotzan.

Medikuaren etxea eta klinika ikertzen ari dira "nahi gabe eragindako heriotza"ren susmagarri nagusia delako.

Jacksonen 4. semea

Bestalde, azken egunetan zurrumurru gehiago ere zabaldu dira. Michael Jacksonen hiletan lehen iladan haren antza daukan mutil bat zegoen, oso hunkituta, eta hainbat komunikabideren arabera, artistaren ezkutuko seme bat izan liteke. Mutilak 25 urte ditu eta Omar Batthi du izena. Norvegiarra da eta musikaria da bera ere baina ez du popa egiten, rapa baizik. Gazteak berak ukatu egin du haren semea denik baina Joe Jackson aitak, berriz, onartu egin du hori. "Jacksondarra dirudi eta jacksondarrek bezala egiten du dantza", esan du.

Mutila hainbat alditan izan omen zen Neverlanden boladatxo bat igarotzen. Are gehiago, 2003an polizia artistaren etxaldean sartu zenean adingabeen abusuagatik izandako karguen proba bila, bertan omen zen Omar. Zenbait komunikabideren arabera, gazteak DNA proba egin du baina berak duela zenbait egun egindako adierazpenen arabera, MIchael bere "lagun onena" besterik ez zen, ez bere aita. "NIre gurasoak Norvegian daude", esan zuen.

Joe Jacksonek esandakoa gorabehera, beste senide batzuek ez daukate argi. Jermainek, Michaelen anaiak, esaterako esan du ezin duela argi eta garbi esan Omar semea zuenik, baina beti ibili izan zen "haren inguruan".

Zaintza

Bestalde, gaur egingo dute Jacksonen hiru seme-alaben behin betiko zaintzaren epaiketa. Los Angelesko Auzitegi Goreneko epaile Mitchell Beckloffek berretsi egingo du iragan astean artistaren amak eta Debbie Rowe emazte ordeak egindako akordioa. Beraz, Prince Michael (12 urtekoa) eta Paris Michael (11 urtekoa) amonarekin geldituko lirateke eta musikariak azken testamentuan idatzita utzi zuena beteko litzateke. Beraz, Katherine Jacksonek izango luke bi haur horien, Roweren seme-alaba biologikoen ardura, baita Prince Michael II Blanket-ena ere. Azken horrek 7 urte ditu eta haren ama ez dute sekula identifikatu.