musika

Mark Knopfler, Dire Straits talde ezaguneko lider izandakoa, Bilbora dator. 2010eko uztailaren 30ean kontzertua emango du Vista Alegre zezen-plazan Get Lucky disko berria aurkezteko eta kontzertu horretarako sarrerak dagoeneko salgai daude Ticketmaster sarean 44 eta 54 euro arteko salneurrian (+ banaketa gastuak).

Get Lucky artista eskoziarraren bakarkako ibilbideko estudioko seigarren lana da. Londreseko British Grove estudioetan grabatu du eta Chuck Ainlayren eta Guy Fletcherren laguntzarekin ekoitzi du. Diskoak folk eta blues estiloak nahasten ditu eta Knopflerrek bere bizitzan zehar bizitako esperientziei buruz hitz egiten dute kantuek.