musika

Aurreikusitakoaren arabera, urtarrilean itzuliko da Radiohead taldea estudiora, udan prestatzen hasi zen disko berriaren grabazioa bukatzeko. Hala adierazi du behintzat, Ed O''Brien taldeko gitarra-joleak Radiohead.com webgunean.

Radiohead taldeak 2007an kaleratu zuen bere azken diskoa (In Rainbows) eta modu berezi batean jarri zuen salgai lan hura. Izan ere, taldearen webgunean eskegi zuten diskoa eta erosleak nahi zuen prezioan eskura zezaken. Hilabete batzuk geroago, CDan atera zuten In Rainbows lana.

Bien bitartean, Thom Yorkek aurreratu du, bakarkako kontzertuak eman nahi dituela datorren urtean.