musika

Talde bateko kide zara edo abestiak konposatzen dituen bakarlaria? Euskal musikagintzan oihartzuna lortu nahi al duzu? Bada, Gazteak zure ametsak lortzeko bidea emango dizu, dagoeneko martxan da eta 2010eko Maketa Lehiaketa.

Martxoaren 16ra arte izango duzu maketak aurkezteko epea. Nahi beste kanta bidal ditzakezu, baina kontuan izan, abestiekin batera, aurkezpen bideo bat ere helarazi behar diguzula.

Bi bide dituzu horretarako: Gaztea atarian, abestiak eta bideoak igotzeko aukera emango dizugu, hemen klikatuta. Bestela, bidali CDa Miramonera. Xehetasun gehiago XIX. Maketa Lehiaketako oinarrietan aurkituko dituzu.

Sariak

Aurreko urteetan bezala, aurten ere bi sari daude jokoan: Epaimahaiaren saria eta Entzuleen saria. Epaimahaiaren Saria jasotzen duen talde edo bakarlariak bideoklip bat grabatzeaz gain, BBK Live musika jaialdi entzutetsuan joko du, besteak beste. Bestalde, Entzuleen Saria lortzeko lehian, epaimahaiak 10 maketa onenak aukeratuko ditu. Hala, Gaztea atarian sartuta, edonork izango du abesti gogokoenari botoa emateko aukera. Horrez gainera, irabazleek Gaztea Live saioan zuzenean joko dute!

Euskal Herriko musikaren munduan oihartzun handia izaten du Maketa Lehiaketak, eta bertan parte hartu duten talde asko ezagun bihurtu dira. Halaxe izan da, besteak beste, EH Sukarra, Sorotan Bele, Zea Mays, Kerobia, Kauta, Berri Txarrak eta Delorean taldeen kasuan. Ez galdu aukera hau, animatu eta bidali zure maketa! Eta gogoratu iruzkinak egin ditzakezula Facebook eta Twitter (#maketalehiaketa) erabilita.