musika

The Cabriolets taldeak bigarren diskoa aterako du udaberrian. Close izena eramango du lan berriak eta taldeak bi kolaboratzaile izan du disko berri honetan: Manuel Cabezali eta Pablo Serrano.

Aurreikusitakoaren arabera, maiatzaren hasieran aterako da diskoa eta hamalau abesti izango ditu.

Disko berria ez ezik, bere hurrengo kontzertuen datak ere iragarri ditu talde honek eta maiatzean Euskal Herrian izango da. Bi kontzertu emango dituzte hemen, bata Iruñean eta bestea Bilbon. Nafarroako hiriburura maiatzaren 28an iritsiko dira eta Bilbon, berriz, egun bat geroago joko dute, Azkena aretoan.