musika

Berri Txarrak eta Delorean euskal taldeek Atlantikoa zeharkatu berri dute, Ameriketako Estatu Batuetako jaialdi garrantzitsuenetako batean taularatuko baitituzte euren doinuak egunotan: Texasko Austin hirian egiten den South by Southwest (edo SXSW) jaialdian. Gaur izango dute lehen emanaldia eta martxoaren 21era, igandera, bitartean hainbat kontzertu emango dituzte bertan.

SXSW jaialdia AEBetako musika erakustokirik handienetakoa da eta urtero milaka zale eta musikagintzako langile erakarri ohi ditu.

Lekunberriko hirukoteak Payola lan arrakastatsuko kantuak joko ditu zuzenean eta Bartzelonan kokatutako talde zarauztarrak, berriz, apirilean argitaratuko duen Subiza laneko doinuak aurkeztuko ditu, baita Ayrton Senna azken EPko eta aurreko lanetako abestiak ere.