musika

Badirudi bizitzak okerreko bidetik eraman duela Mark Owen abeslaria. Take That taldeko musikari "eztienak" alkoholikoa dela onartu du, Britainia Handiko komunikabideen aurrean. Gainera, aipatutako iturrien arabera, ospitale psikiatriko batean dago orain, bere gaixotasunari aurre egiteko.

Bestalde, bere emazteak etxetik bota omen du Owen, ustezko desleialtasunengatik.

Lanari dagokionean ere, albiste txarrak dira nagusi Mark Owenen bizitzan. Izan ere, bere egoera pertsonalak, Take That taldea uztera behartu du abeslaria. Dirudienez, azken bileretan Robbie Williamsen itzulerari buruz hitz egin zuten taldekideek, azken honek disko berriko kantuak grabatu ditzan.