musika

The Sunday Mirrow aldizkariak argitaratu duenez, Leona Lewisek kontzertu bira bertan behera utzi du. Abeslaria triste omen dago, 10 urtetako harreman sentimentala hautsi egin delako. Egunkariaren arabera, Britainia Handian egiten ari zen kontzertu bira ezin bukatu zebilen, askotan negarrez hasten zen eta lagun eta familia faltan botatzen zituen.

Dena den, Leonak ez du galdu lanerako gogoa eta dagoeneko hasi da hirugarren diskoa prestatzen. Estudioan sartu da Echo izeneko lan berriko abestiak grabatzera eta datorren urteko uda baino lehen kaleratuko du.