musika

Kitto. Lady Gagak amaitu du estudioko hirugarren lana. Hori da behintzat artista estatubatuarrak Europa Press agentziari jakinarazi diona.

Oso harro omen dago Lady Gaga emaitzaz eta diskoaren izena tatuatu egingo duela esan du. Hori bai, oraindik ez du argitu zein izen jarriko dion disko berriari.

"Hiru urtez tartak egiten aritu naiz eta orain gelatina garratzeko pastela ari naiz egiten. Mezu berriak aurrekoak baino garratzagoak dira, izan ere, tarta zenbat eta gozoagoa izan, orduan eta garratzagoa izan daiteke gelatina", esan du New Yorkeko artistak.

Tartei, gelatinari eta zaporeei buruzko hitz nahasi horiekin azaldu du&' || 'nbsp;Lady Gagak estudioko lan berria aurrekoak baino serioagoa eta garratzagoa izango dela.

Kalean dauzkan bi diskoekin milioika ale saldu ditu mundu osoan eta egungo artista boteretsuenetako bat bihurtu da. Ikusiko dugu hirugarrenarekin zer lortuko duen.