musika

Brandon Flowers: Flamingo. Las Vegasko artistak bere hiriko The Flamingo kasinoari eta Las Vegaseko Flamingo Road kaleari egin dioaipamena lehen bakarlanaren izenburuan. The Killers taldeko kantariaren diskoa Stuart Pricek, Daniel Lanoisek eta Brendan O''Brienek ekoitzi dute eta hamar abesti bilduko ditu bertan. Kantari amerikarrak The Killers taldeak Las Vegasen daukan estudioan, Battle Bornen, grabatu ditu kantuak. Ronnie Vannucci Jr. The Killerseko taldekideak bateria jo du Flowersen estreinako bakarlanean. Gogoratu, bestalde, artista estatubatuarraren kantuak zuzenean entzun nahi izanez gero, bi aukera ditugula gugandik hurbil xamar: urriaren 8an Apolo aretoan (Bartzelona) eta 9an Joy Slavan (Madril).

&' || 'nbsp;

Robyn: Body Talk Pt 2. Body Talk lanaren bigarren zatia dakar Suediako artistak. Disko dantzagarria osatu du, beste behin ere, kantariak eta Snoop Dogg, Klas Åhlund, Kleerup, Savage Skulls eta Diplo musikariek hartu dute parte lan berriko kantuetan.

&' || 'nbsp;

Sara Bareilles: Kaleidoscope Heart. Kantari kaliforniarraren estudioko bigarren lana da eta 13 abesti bilduko ditu bertan (bat gehiago iTuneseko bertsio digitalean).Kantu positiboak bildu ditu batik bat bertan eta melodia eta erritmoa dira nagusi, batik bat "King Of Anything" singlean.

&' || 'nbsp;

El Pescao: Nada-Lógico. El Canto del Loco taldeko gitarrista, David Otero, bakarka datorkigu. Talde madrildarrak etenaldi bat egin du taldekideek euren proiektuak gauza ditzaten eta, azkenean, gitarristak aspalditik buruan zeuzkan abestiak lan batean islatu ditu. 13 kantu dakartza bertan. Irailaren 20an Donostiako FNACen arituko da eta 21ean, berriz, Bilbokoan.