musika

Kerobiak kontzertua emango du Bilbon gaur Euskadiko Soinuaken Zuzen-zuzenean ekimenaren baitan. Kafe Antzokian izango da emanaldia eta Gaztea atarian emango dugu zuzenean "Gaztea Live" saioaren baitan.

22:00etatik aurrera, talde nafarraren zenbait bideoklip eskainiko ditugu eta ondoren, 23:00etan igoko dira taula gainera Kerobia taldeko mutilak. Bertan, trilogiaren azken aleko, Ontziak diskoko, kantuak aurkeztuko ditu taldeak, baita aurreko lanetako abesti arrakastatsuenak ere.