musika

My Chemical Romance talde estatubatuarra disko berria prestatzen ari da 2009. urte honetarako. The Black Parade disko arrakastatsuari lekukoa hartuko dion kantu-bildumak ikusmira handia sortu du.

Gerard Wayk argitalpen-data zehatzik ez daukan disko berriari buruz hitz egin du. Taldeko liderraren hitzetan, `zuzenekoen indarra izango du, kontzertuetako parametroekin grabatuta baitago. Soinu indartsuagoa izango da´.

Hiru urte dira taldeak ez duela ezer argitaratu eta zaleak zain daude. The Black Parade aurreko lana besapean hartuta, boskotea 2006ko Bilbao BBk Live jaialdian izan zen.