musika

Azkeneko egunetan Bilbao BBK Live jaialdira etortzeko baieztatu dituzten taldeak ikusita, seguru bat baino gehiago konbentzitu dutela Kobetamendiko kontzertuetara joateko. Bada, Bilboko jaialdiko eta Azkena Rock Festivaleko hiru egunetarako eskaintza bonoak erosteko epea bihar amaitzen da.

Black Sabbath eta Lynyrd Skynyrd (“Sweet Home Alabama” kanta ederraren egileak) mitikoak arituko dira Azkena Rock Festivalen, besteak beste. Gasteizko Mendizabalako zelaiak rock’n’rollak hartuko ditu ekainaren 14tik 16ra bitartean.

Uztailaren 12tik 14ra ospatuko da Bilbao BBK Live, eta dagoeneko, puntako taldeekin osatutako kartela aurkeztu dute. Radiohead eta The Cure taldeak dira, ikusmira gehien piztu dutenak. Bestalde, Noah & The Whale, Vetusta Morla, Band Of Skulls, Snow Patrol... ere arituko dira Kobetamendiko agertokietan.

85 euro balio dute bi jaialdietako eskaintza bonoek, gastuak aparte, eta kanpatzeko aukera izango da. Eusko Jaurlaritzak ateratako Kultura Bonoekin erosi daitezke.