musika

2010ean "Ortzemugak begietan" diskoa kaleratu zuenetik, aretorik areto ibili da Ken Zazpi taldea lan berria aurkezten. Zarautzen hasi zuten duela bi urte aurkezpen bira eta Euskal Herrian ez ezik, Ingalaterran eta Irlandan ere izan dira, besteak beste.

Bi urtez kontzerturik kontzertu ibili ostean, datorren hilabetean bukatuko dute Eñaut Elorrieta eta bere taldekideek aretoetatik eskaini duten bira. Baina, aurretik, bi zuzeneko eskainiko dituzte: bata, Elorrion eta bestea, Zarautzen.

Elorrion otsailaren 17an arituko dira, Arriola Kulur Aretoan, 22:30ean, eta Zarautzen, otsailaren 25ean, Kiroldegian, 22:30ean.
Bi zuzeneko hauekin amaitutzat emango dituzte aretoetako emanaldiak, baina, aurreikusitakoaren arabera, udan hainbat herritako jaietan joko dute.