musika

Madonnak disko berria eta bira iragarri ditu 2012rako eta bira horren haritik, berehala zabaldu dira kontzertu posibleei buruzko zurrumurruak. Gainera, duela hilabete batzuk Madonna.com webguneak bi data argitaratu zituen Bartzelonarako baina ordu gutxi batzuen buruan kendu egin zuten informazio hori. Berehala zabaldu zen albistea sarean eta gero eta indar gehiago ari da hartzen, gainera.

Itxura guztien arabera, ekainaren 20an eta 21ean arituko litzateke Madonna Palau Sant Jordin. Oraindik ez dago ezer baieztatuta, beraz, adi jarraituko diogu hari horri.

Gogoratu Madonnak 'M.D.N.A.' izena jarri diola prestatzen ari den disko berriari. Ikusmira handia piztu du diskoak eta izena argitaratu bezain pronto trendig topic bihurtu zen Twitterren.

Gainera, Gogoratu 'W.E.' filma ere estreinatu duela kantari estatubatuarrak (zuzendari gisa jardun du estreinakoz) eta bertako soinu-bandako kantuari esker Urrezko Globoa irabazi berri duela Poparen Erreginak.