musika

Duela hilabete batzuk Ibilaldiko kantua aukeratzeko lehiaketa abiatu zuen Trapagako Itxaropena Ikastolak. Guztira 25 artistek parte hartu zuten ekimen berezi honetan eta finalera Nabil, Larregi, Boys os Birle, The Uski's eta Basaki taldeak iritsi ziren.

Bost finalistak lehia bizian aritu dira azken asteotan eta gaur jakin dugunez, Basaki taldea izan da boto gehien eskuratu dituena. Hain zuzen ere, laukote bizkaitarraren "Maiatzean Meatzean" kantua izan da lehiaketa honetako irabazlea.

Bizkaiko Ikastolen aldeko festa datorren maiatzaren 27an ospatuko da Trapagan.

Zorionak Basaki!