musika

Red Hot Chili Peppers taldeak bi EP kaleratu ditu azkenaldian; bata apirilean, eta bestea maiatzean. Oraingoan, datozen hilabeteetarako prestatu dituzten proiektuen berri eman dute taldeko kide batzuek.

Michel Balzary Fleak, taldeko baxu-jotzaileak, adierazpen interesgarriak egin ditu Twitterreko bere profilean. Dirudienez, material berria idatzi zuten taldekideek, azken kontzertu biran zeuden bitartean, eta urtea amaitu aurretik kaleratzeko asmoa daukate: “Datozen sei hilabeteetan, 18 kanta kaleratzeko asmoa daukagu, batzuk formatu digitalean eta beste batzuk binilo formatuan”.

Gainera, Chad Smithek ere taldearen azken diskoaren grabazioan hamar kanta berri gehiago grabatu zituztela adierazi zuen aspaldi. Taldeko bateria-jotzailearen arabera, baliteke abesti horiek aurten argitaratu nahi dituzten lan berrietan egotea.