musika

Munduko musika talde garrantzitsuenetakoa da U2, halere, dirudienez urrutiago iritsi nahi du laukote irlandarrak. Izan ere, Bonok adierazi du oraindik ase gabe daudela eta abesti berriak grabatzen jarraitu nahi dutela. "Taldekide ezin hobeak ditut. Gauza berriak egiteko gogoz gaude eta argi daukagu talde indartsu bat izaten jarraitzeko U2k zerbait berezia kaleratu beharko duela".

Hori dela eta, grabazio estudioan bilduta daude lau taldekideak eta Bonoren hitzetan, inoizko momenturik onena bizi du taldeak. "1979tik bizi izan ditugun hiru asterik onenak pasatu ditugu orain", esan du.

Halere, momentuz ez dute lan berriari buruzko xehetasun gehiagorik eman. Noiz iritsiko ote da U2ren berriena?