musika

Musikaren Eguna antolatu du FNAC dendak biharko, Donostian, Donostikluba eta KutxaKulturen laguntzarekin. Polaroid eta Lolas Club talde donostiarrak arituko dira zuzenean. Horrez gain, Bigott zaragozarren doinuak izango dira entzungai. Azkenik, Guadalupe Plata bandak itxiko du kartela.

Agertokia berezia izango da, emanaldiak Loiola eta Arrasate kaleen arteko izkinan antolatu baitituzte. Lolas Club donostiarrek ekingo diote egitarauari 13:00ean. Ondoren, 18:00etan, Polaroid bandaren txanda izango da. Guadalupe Plata hirukote andaluziarrak 19:00etan hasiko du zuzenekoa, eta 20:15ean, Bigott zaragozarraren doinuekin amaituko dute jardunaldia.