musika

Sallie Ford & The Sound Outside laukotea Bilbon arituko da zuzenean datorrean azaroaren 29an, Azkena aretoan. Dirty Radio diskoa argitaratu zuen taldeak 2011ko amaieran, eta ikaragarrizko arrakasta lortu zuten.

Rock doinuez gain, beste hainbat estilo uztartu dituzte oregondarrek beraien abestietan. Soul, blues, swing, jazz eta country ukituez apaindu dituzte kantak.

Bilbora iritsi aurretik, Bartzelona (azaroaren 27an) eta Madril (azaroaren 28an) ere bisitatuko dituzte Sallie Ford eta konpainiak.