musika

Denetarik daukagu aste honetan disko berrien atalean: 50 Centek rap musika eta dance estiloa nahastuko ditu Five diskoan, Chris Brownek R&B estiloa jorratuko du Fortune albumean, eta Kate Ryanek ingelesez eta frantsesez abestuko digu Electroshock lanean.

50 Cent rap musikari ezagunak Five (Murder by numbers) lana argitaratuko du bihar, uztailaren 3an. Disko horretan dance estilora hurbildu da 50 Cent, bere ibilbidearen adierazgarri den hip hopa alde batera utzi gabe. Gainera, lankidetza esanguratsuak izan ditu estatubatuarrak, Emimemena adibidez.

Chris Brownen Fortune lan berria ere asteartetik aurrera izango da eskuragai. “Turn up the music” kanta da diskoaren lehenengo singlea, eta "Strip", Kevin McCallekin egindako kanta, diskoaren aurrerapen abestia. Albumaren bertsio arruntaz gain, edizio berezi bat kaleratuko du Brownek; horretan, abesti osagarriak egongo dira eta azal berezia. Besteak beste, Wiz Khalifak eta Big Seanek hartu dute parte Chris Brownen proiektu berrian.

Kate Ryanen album berriarekin bukatuko dugu disko berrien errepaso hau. Abeslari belgikarrak Electroshok argitaratuko du asteartean. Ingelesez eta frantsesez idatzitako kantak eskainiko dizkigu musikariak, Tim Foxen gidaritzapean egindako diskoan. Lehenengo singletzat “LoveLife” kanta aukeratu du Ryanek.