musika

Bilboko Aste Nagusiak kontzertu gune berria estreinatuko du aurten. Abuztuaren 18tik 25era bitartean Karola gunean izango dira festetako musika emanaldi garrantzitsuenak. Besteak beste, Public Enemy eta Esne Beltza arituko dira bertan eta Udalak iragarri berri duenez, Juan Maganek itxiko du Karola guneko kontzertuen kartela. Hain zuzen ere, abuztuaren 25ean iritsiko dira Bilbora abeslari kataluniarraren kantuak.

Estatuko artista garrantzitsuenetakoa da gaur egun Juan Magan. Orain arte, Shakira, Juanes, Nelly Furtado, Enrique Iglesias, Paulina Rubio, Diego Torres, Alejandro Fernandez, Luis Fonsi, Carlos Baute, Soraya, Don Omar eta beste hainbat musikarirekin kolaboratu du. Gainera, 2011ko udan "Bailando por ahí" kantuarekin mundu osoko dantzalekuetara heldu zen.

Karola gunea

6000 eta 8000 pertsona artean sartuko dira Karola gunean. Aurretik aipatutako taldeez gain, Ana Torroja, Celtas Cortos eta disko jartzaileak ere izango dira bertan.