musika

Aste honetan entzungai izango ditugun disko berriak errepasatuko ditugu Gaztean.

Plan Bk iLL Manors diskoa kaleratuko du aste honetan. Estudioko hirugarren lana da, eta izen bereko pelikularen soinu-banda ere izango da. Plan Bk berak zuzendu eta ekoiztu du proiektua.

Aldi berean, Slipknotek uztailaren 23ko astea aukeratu du bilduma berria ezagutarazteko. Hogei urtetako ibilbidean zehar egindako abesti guztien artean, 19 aukeratu eta Antennas to hell diskoa prestatu du talde estatubatuarrak.

Azkenik, Jennifer Lopezek ere bere arrakasta handienak bildu ditu Dance again…the Hits diskoan. Bertan argitaratu ditu, halaber, bere azken bi kanta berriak: Dance again eta Goin’ In.