musika

Bultzarock ekimenak kontzertu berezia antolatu du uda honetarako Zarautzen. Amaral arituko da zuzenean datorren abuztuaren 25ean Santa Klara Konbentuaren plazan. Zarauzko Rugby Taldea Kirol Elkarteak, Zarauzko Udaleko Turismo Bulegoarekin elkarlanean, martxan jarritako egitaraua da.

Kontzerturako sarrerak abuztuaren 1a baino lehen erosiz gero, honako sari hauek zozkatuko ditu antolakuntzak: sei Meet & Greet bikoitz Amaral taldeko partaideekin egoteko, hiru merchandising sorta ofizial, 100 euroko bi bonu Hosteleria Zurekin elkartearen eskutik, Moor surf-eskolak emandako aste bukaerako lau ikastaro bikoitz, beste bi ikastaro bikoitz Pukas Surf Eskolaren eskutik, Zarautz errugbi taldeak sinatutako hiru baloi eta hamar edari doan.

Sarrerak ticketmaster web gunean eros daitezke, baita beste zenbait herritan ere. Zenbaki irabazleak eta gainerako informazio guztia Bultzarock web gunean dago eskuragarri.