musika

Robert Rodriguez zuzendariak adierazi duenaren arabera, laster ikusiko dugu Lady Gaga zineman; izan ere, abeslari ezaguna zuzendariaren hurrengo pelikulan agertuko da.

Rodriguezek Twitterreko bere profilean jakinarazi duenez, Lady Gaga Machete filmean agertuko da, ‘La Chameleon’ izeneko pertsonaia antzezten. Gainera, zinemagileak abeslariaren talentua goraipatu du sare sozialaren bitartez: “Lady Gagarekin lanean aritu naiz, eta primeran egin du! Guztiz liluratuta nago“.

Besteak beste, Jessica Albak, Vanesa Hudgensek, Zoe Saldanak eta Mel Gibsonek hartuko dute parte pelikulan Lady Gagarekin batera.

Telebistan The Simpsons telesailean hartu zuen parte Gagak, baina, hauxe izango da zineman egiten duen lehenengo agerraldia.