musika

Hesian taldeko kideek abuztuaren 14an Gernikako jaietan eskainiko duten kontzertua grabatu egingo dutela iragarri dute. Gainera, beraiekin bat egiteko deia luzatu die jarraitzaileei.

Gernikako plazan izango da emanaldia, eta bertan egindako grabazioaren emaitza CD eta DVD batean bilduko dute. Sare sozialetan helarazitako informazioaren arabera, 2013ko udaberrian argitaratuko dute proiektua.

Hitzetik estudioko laugarren diskoa kaleratu zuten nafarrek 2011ko azaroan, eta orduz gero, promozio lanetan ari dira bete-betean.